SuperDizionari

meti in pîts loc.v.

Fâ che alc o cdn. al stedi in pîts, dret, verticâl e v.i.

esemplis

"alore cuatri mans lu cjaparin pai braçs e lu meterin in pîts e, a sburtons e pidadis tal cûl, lu menarin tal ufici dal cjapitani"

gjavât fûr di "Il muc" di Roberto Ongaro

Viôt ancje: meti impins

meti in pîts loc.v.

Fâ une costruzion

sinonims

fâ sù

esemplis

"a son rivâts a meti in pîts un fabricât che al pâr un bombon"

gjavât fûr di "Lis predicjis dal muini" di Josef Marchet

meti in pîts loc.v.

Fâ jessi in buinis cundizions, soredut di salût, di bêçs e v.i.

esemplis

"je ancje mê muîr che si messede, / se ben che di dì in dì / spiete di parturî; / à impegnât i peçots, brighe, lavore, / e va a durmî tardon, jeve a buinore / insume e fâs di dut / par judâ a meti in pîts il so Çorut"

gjavât fûr di "Il Strolic furlan par l'an 1852" di Pieri Çorut

"i monuments cu lis listonis di nons no paiavin i muarts, e nancje Trent e Triest no zovarin a tornâ a meti in pîts la culumie fruçade"

gjavât fûr di "Cuintristorie dal Friûl dal 1866 fint in dì di vuê" di Francesc Placerean

meti in pîts loc.v.

Fâ che alc al scomenci a esisti, a funzionâ (fig.)

sinonims

meti sù

esemplis

"de stesse idee a jerin altris personis che pûr no vint partecipât ae Union popolâr furlane a vevin maduride la convinzion che si ves di provâ a meti in pîts un mieç di informazion indipendent"

gjavât fûr di "Un Friûl difarent: i 90 mhz di Onde Furlane" di Max Mauro

monolengâl